وزارت بین الصوبائی رابطہ دے 14 جاری اتے 3 نویں منصوبیں کیتے ھک ارب 90کروڑ روپے رکھئے ڳئن

اسلام آباد۔9جون(اے پی پی) آندے مالی سال 24-2023 کیتے سرکاری شعبہ دے ترقیاتی پروگرام اچ وزارت بین الصوبائی رابطہ دے 14 جاری اتے3 نویں منصوبیں کیتے ھک ارب 90کروڑ روپے رکھئن ، جمعہ کوں جاری سرکاری شعبہ دے ترقیاتی پروگرام (پی ایس ڈی پی) موجب وزارت دے 14جاری  منصوبیں کیتے ھک ارب ارب 70کروڑ روپے جݙاں جو 3نویں منصوبیں کیتے 20کروڑ روپے رکھئے ڳئن ۔اسلام آباد اچ سائوتھ ایشین گیمز 22-2021دے انعقاد کیتے پاکستان سپورٹس کمپلیکس دی اپ گریڈیشن تے بحالی کیتے 61 کروڑ 17لکھ روپے ، اسلام آباد، فیصل آباد، واہ کینٹ ، پشاور، کوئٹہ، مظفرآباد اتے سوات اچ ہاکی ٹرف دی تبدیلی کیتے 25کروڑ روپے ،میگاایونٹس اچ  شرکت کیتے فارن کوچز دی خدمات حاصل کرݨ تے آلات دی خریداری کیتے 10کروڑ روپے ،پاکستان سپورٹس کمپلیکس اچ بائیومکینیکل لیب دے قیام کیتے 12کروڑ روپے تے  سپورٹس کمپلیکس اچ شاہراہواں ، فٹ پاتھ ، مین گیٹ اتے سکیورٹی سسٹم دی بحالی تے تعمیرکیتے 10کروڑ 35لکھ روپے رکھئے ڳئن ، قومی کھیݙاں دے انعقاد کیتے 15کروڑ روپے رکھئے ڳئن ۔