آندے مالی سال دے پی ایس ڈی پی اچ آبی وسائل  ڈویژن دے آبی شعبہ دی جاری سکیماں کیتے83 ارب 44 کروڑ 75 لکھ روپے رکھئے ڳئن

اسلام آباد۔9جون(اے پی پی) آندے  مالی سال دے سرکاری شعبے دے سالانہ ترقیاتی پروگرام  اچ آبی وسائل ڈویژن دے آبی شعبہ دی جاری  مختلف سکیماں   تے 83 ارب 44 کروڑ 75 لکھ روپے توں ودھ خرچ کیتے ویسن ، جمعہ دے ݙینھ جاری تھیوݨ آلے پی ایس ڈی پی 24-2023 موجب بجٹ اچ ضلع گوادر اچ بسول ڈیم دی تعمیر کیتے 3ارب 27 کروڑ 38 لکھ روپے، آواران ڈیم  کیتے 3 ارب، پنجگور ڈیم کیتے 2 ارب 50 کروڑ ، وندر ڈیم کیتے 2 ارب روپے ، دیامیر بھاشاڈیم  کیتے 25 ارب روپے،کے۔ فور واٹر سپلائی سکیم کیتے 15 ارب 50 کروڑ روپے ،   مہمند ڈیم کیتے 10 ارب 50 کروڑ روپے، بلوچستان دے مختلف علاقیں 100 ڈیماں دی تعمیر کیتے ھک ارب روپےاتے کرم تنگی ڈیم کیتے 25 کروڑ روپے  مختص کیتے ڳئن ۔