وزارت قومی صحت ، سروسز، ریگولیشن و کوآرڈینیشن دے 9 نویں ،31 جاری منصوبیں کیتے 13 ارب10 کروڑ روپے رکھئے ڳن

اسلام آباد۔9جون(اے پی پی) آندے مالی سال 24-2023 کیتے سرکاری شعبہ دے ترقیاتی پروگرام اچ وزارت قومی صحت ، سروسز، ریگولیشن و کوآرڈینیشن دے 9 نویں تے 31 جاری منصوبیں کیتے 13 ارب10 کروڑ روپے رکھئے ڳئن ۔ سرکاری شعبہ دے ترقیاتی پروگرام (پی ایس ڈی پی) موجب نویں منصوبیں کیتے 2 ارب 59کروڑ 66 لکھ روپے توں ودھ دے فنڈز رکھئن ۔ انہاں اچ اسلام آباد اچ بوکرا دے جاہ تے طبی مرکز دے قیام  کیتے 20 کروڑ روپے  ، لیبارٹری دے قیام کیتے 30 کروڑ روپے رکھئن ۔ وفاقی دارالحکومت  اچ یونیورسل ہیلتھ کوریج یقینی بݨاوݨ دے نیشنل ہیلتھ سپورٹ منصوبے کیتے 25کروڑ روپے رکھئے ڳئن ۔ گمبٹ سندھ اچ بیالوجیکل اتے کینسر ریسرچ و ٹریٹمنٹ 50 کروڑ روپے، ہیپاٹائٹس سی مکاوݨ دے وزیراعظم قومی پروگرام کیتے 50 کروڑ روپے اتے اسلام آباد اچ کینسرہسپتال دے قیام سانڳے آلات مل گھنݨ کیتے 10 کروڑ روپے رکھئے ڳئن ۔