نوجوان دا مستقبل سنوارݨ میݙی اولین ترجیح اے، زرعی اتے کاروباری قرضیں توں کسان ،نوجوان اتے پاکستان خوش حال تھیسن ، وزیر اعظم محمد شہباز شریف

اسلام آباد۔13جون  (اے پی پی):وزیر اعظم محمد شہباز شریف آکھیے آندے مالی سال دا بجٹ صنعت، زراعت، آئی ٹی، توانائی دے شعبیں اچ تکھے ترقی اتے معاشی استحکام دا بجٹ اے،نوجوان ملک دا مستقبل ہن اتے نوجوان دا مستقبل سنوارݨ ہمیشہ وانڳوں میݙٰی اولین ترجیح اے ۔ وزیر اعظم آفس دے میڈیا ونگ توں جاری بیان موجب وزیراعظم شہبازشریف ھک بیان اچ آکھیے بجٹ 24 ۔  2023 نوجوان دی ترقی کاروبار اتے روزگار دا تاریخی بجٹ اے،مایوسیاں کوں مٹاوݨ ،ملک و قوم دی تعمیروترقی اتے خوشحالی توں نواں اعتماد اتے امید بحال کرݨی ہوسی ،آندے مالی سال پاکستان اتے عوام دی آمدن ودھاوݨ دا سال ثابت تھیسی ۔ شہباز شریف آکھیے آندے مالی سال دا بجٹ  صنعت، زراعت، آئی ٹی، توانائی دے شعبیں اچ تکھے ترقی اتے معاشی استحکام دا بجٹ اے،نوجواناں کوں روزگار منڳݨ آلے دے بجائے روزگار ݙیوݨ آلا کاروباری بݨاوݨ دے مواقع شامل ہن،نوجوان ملک دا مستقبل ہن اتے نوجوان دا مستقبل سنوارݨ ہمیشہ وانڳوں میݙی اولین ترجیح اے،آئی ٹی، زراعت، صنعت اچ کاروبار دے آغاز توں نوجواناں کوں پاکستان دی ترقی دے معمار بݨاوݨا اے ۔وزیر اعظم آکھیے نوجواناں کوں ھک لکھ لیپ ٹاپ، چھوٹے اتے رعایتی قرض ݙیندے پیوں ،نوجواناں دی حوصلہ افزائی کیتے بجٹ اچ آئی ٹی کاروبار اچ ٹیکس دی چھوٹ ݙتی اے ،2 ہزار ارب روپے توں ودھ کسان پیکج توں زراعت اتے کسان دی بہتری دا سفر مزید تکھا تھیسی ۔انہاں آکھیے بجٹ 24 ۔  2023 دے ذریعے زرعی شعبے کیتے مراعات جاری رکھیسوں ، انہاں اقدامات توں غذائی تحفظ حاصل تھیسی ، نوجواناں کوں زرعی ترقی اچ حصہ دار بݨیندے پیوں ۔کساناں، نوجواناں کوں زرعی اتے کاروباری قرضہ جات توں کسان ،نوجوان اتے پاکستان خوش حال تھیسن ۔