اوکھے معاشی حالات اچ وی بجٹ اچ عوام کوں براہ راست ریلیف دے اقدامات کیتے ڳئن،  بلال اظہر کیانی

اسلام آباد۔14جون  (اے پی پی):وزیراعظم دے کوآرڈینیٹر معیشت وتوانائی بلال اظہر کیانی آکھیے بجٹ اچ عوام کیتے براہ راست ریلیف وزیراعظم دی ترجیح رہی اے ،اوکھے معاشی حالات اچ سارے قومی ترجیحات کوں سامݨے رکھیندے ہوئیں ذمہ دارانہ تے متوازن بجٹ ݙتے ۔ آپݨے ھک بیان اچ انہاں آکھیے اوکھے معاشی حالات اچ وی بجٹ اچ او اقدامات کیتے ڳئن جنہاں توں عوام کوں براہ راست ریلیف ملیے۔ انہاں آکھیے ساری قومی ترجیحات کوں سامݨے رکھیندے ہوئیں ذمہ دارانہ اتے متوازن بجٹ ݙتے ۔ بجٹ اچ عوام کیتے براہ راست ریلیف وزیراعظم دی ترجیح رہی اے ۔ ساݙی حکومت اڄوکے مالی سال بے نظیر انکم سپورٹ پروگرام کیتے بجٹ 400 ارب روپے تئیں ودھائے ، انہاں آکھیے بجٹ 24 ۔  2023 اچ اے رقم مزید ودھا تے 450 ارب کرݙتی ڳئی ۔ ساݙی حکومت اڄوکے مالی سال بے نظیر انکم سپورٹ پروگرام دے تحت رقم دی ادائیگی اچ 25 فیصد ودھارا کیتے ۔بے نظیر انکم سپورٹ پروگرام دے تحت شفاف ترین نظام توں غریب ترین عوام کوں براہ راست ریلیف ملدا پئے ۔ بجٹ اچ 14 لکھ سرکاری ملازمین دیاں تنخواہواں اچ ودھارا 14 لکھ گھراݨیں کوں ریلیف ملیے۔