وزیرِ اعظم شہباز شریف کیپٹن کرنل شیر خان شہید (نشانِ حیدر) روڈ (سابقہ IJP روڈ) دی نویں سروں تعمیر دے منصوبے دا افتتاح کرݙتا

اسلام آباد۔14جون(اے پی پی):وزیرِاعظم شہباز شریف کیپٹن کرنل شیر خان شہید (نشانِ حیدر) روڈ (سابقہ IJP روڈ) دی نویں سروں تعمیر دے منصوبے دا افتتاح کر ݙتا۔ افتتاحی تقریب اچ وفاقی وزیر داخلہ رانا ثناء اللہ ، وفاقی وزیر اطلاعات و نشریات مریم اورنگزیب ، وزیر اعظم دے معاون خصوصی احد چیمہ، رکن قومی اسمبلی طاہرہ اورنگزیب، سابق ارکان قومی اسمبلی حنیف عباسی، ڈاکٹر طارق فضل چوہدری، ملک ابرار ، انجم عقیل خان ، ملک شکیل اعوان اتے مسلم لیگ (ن) دے رہنماواں دے علاوہ چیئرمین سی ڈی اے نور الامین مینگل اتے کمشنر راولپنڈی لیاقت چٹھہ اتے ٻئے متعلقہ محکمیں دے افسران اتے اہلکاراں شرکت کیتی۔وزیرِ اعظم کوں ایں منصوبے متعلق تفصیلی بریفنگ ݙتی ڳئی۔سابقہ آئی جے پی روڈ دا ناں بدال تے کیپٹن کرنل شیرخان شہید رکھ ݙتا ڳئے۔9.8کلومیٹر سڑک فیض آباد توں پیر ودھائی موڑ (پشاور موڑ راولپنڈی)  تئیں نویں سروں بݨائی ڳئی اے ، ایں منصوبے اچ 2 اوور ہیڈبرج بݨائے ڳئن ۔ منصوبہ سابق دور حکومت اچ تعطل داشکار رہیا ۔ موجودہ حکومت دے برسر اقتدار آوݨ دے بعد  ایں تے کم تکھا کرتے وزیراعظم محمد شہباز شریف دی خصوصی ہدایت تےریکارڈ مدت اچ مکمل کیتا ڳئے ۔