سرکاری ملازماں کوں23 جون تئیں تنخواہ ݙیوݨ دی ہدایت کر ݙتی اے، ایس ڈی جیز اچ ایم این ایز دے ترقیاتی منصوبیاں دے فنڈزنان لیپس ایبل اکائونٹ اچ پاوݨ کیتے وزارت قانون تے اٹارنی جنرل نال مشورہ کریسوں،وزیر خزانہ

اسلام آباد۔15جون  (اے پی پی) وفاقی وزیرخزانہ تے محصولات سینیٹرمحمداسحاق ڈارآکھیا جو سرکاری ملازماں کوں23 جون تئیں تنخواہ ݙیوݨ دی ہدایت کر ݙتی اے، ایس ڈی جیز اچ ایم این ایز دے ترقیاتی منصوبیاں دے فنڈزنان لیپس ایبل اکائونٹ اچ پاوݨ کیتے وزارت قانون تے اٹارنی جنرل نال مشورہ کریسوں۔ خمیس کوں قومی اسمبلی اچ ڳالھ مہاڑ کریندیں ہوعیں انہاں آکھیا جوبجٹ بارے ایف بی آر دی تجارتی اتے تکنیکی کمیٹیاں بارے نطرثانی کیتی ڳی اے جئیں دی تفصیل ایوان اچ جمع کرا ݙتی اے۔ وزیر خزانہ آکھیا جو ایں نال کئی وزارتاں اتے محکمیاں عیدالاضحیٰ توں پہلے سرکاری ملازمین کوں تنخواہیں ݙیوݨ کیتے رابطہ کیتے، ایں بارے سیکرٹری خزانہ کوں ہدایت جاری کر ݙتی اے اتے سرکاری ملازماں کوں23 جون تئیں تنخواہ ݙیوݨ دی ہدایت کر ݙتی اے۔