اسلام آباد۔17جون(اے پی پی) قومی اسمبلی ایس ڈی جیز دے تحت ارکان قومی اسمبلی دے ترقیاتی منصوبیں دے فنڈز مالی سال دے مکݨ تے نان لیپس ایبل اکائونٹ اچ منتقل کرݨ دی قراردادمنظورکرڳھدی۔ قومی اسمبلی اچ ایں حوالے نال وفاقی وزیر آبی وسائل سید خورشیداحمد شاہ قراردادایوان اچ پیش کرݨ دی اجازت منگی، سپیکر دی طرفوں اجازت ملݨ تے انہاں قراردادایوان اچ پیش کیتی جیں دی ایوان منظوری ݙے …
قومی اسمبلی، ایس ڈی جیز دے تحت ترقیاتی منصوبیں دے فنڈز مالی سال دے اختتام تے نان لیپس ایبل اکائونٹ اچ منتقل کرݨ دی قراردادمنظور
مزید خبراں
اسلام آباد۔17جون(اے پی پی) قومی اسمبلی ایس ڈی جیز دے تحت ارکان قومی اسمبلی دے ترقیاتی منصوبیں دے فنڈز مالی سال دے مکݨ تے نان لیپس ایبل اکائونٹ اچ منتقل کرݨ دی قراردادمنظورکرڳھدی۔ قومی اسمبلی اچ ایں حوالے نال وفاقی وزیر آبی وسائل سید خورشیداحمد شاہ قراردادایوان اچ پیش کرݨ دی اجازت منگی، سپیکر دی طرفوں اجازت ملݨ تے انہاں قراردادایوان اچ پیش کیتی جیں دی ایوان منظوری ݙے ݙتی۔ قرارداددے متن اچ آکھیا ڳئے جو وفاقی حکومت دی طرفوں عوامی ضرورتاں دے مطالبے تے پائیدارترقیاتی اہداف دے تحت ہرضلع کیتے فنڈز رکھئے ویندن ، ایں ضمن اچ موجودہ مالی سال دے منصوبیں کیتے ٹینڈر منڳیے ڳئن تے کم شروع کیتا ڳئے جیڑھا جو حالی تئیں مکمل نہ تھی سڳیے ، ماضی اچ مالی سال دے مکݨ تے ایجھے فنڈز لیپس تھی ویندے ہن جیں دی وجہ توں منصوبے ادھورے رہ ویندے تے عوامی خزانے کوں ناقابل تلافی نقصان پڄدے جݙاں جو عوام کوں وی پریشانی دا سامݨاکرݨا پوندے ، ایوان وفاقی حکومت توں مطالبہ کریندے جو کمیونٹی ڈویلپمنٹ فنڈز مالی سال دے مکݨ تے پی ایل اے تھری نان لیپس ایبل اکائونٹ اچ منتقل کیتے ونڄن۔
