ٻہوں ساریاں جہیں تے موسم رکھا تے گرم رہسی جنوبی پنجاب اچ اندھاری گھلݨ دے نال مینھ وسݨ دا امکان اے ، محکمہ موسمیات

اسلام آباد۔18جون(اے پی پی):محکمہ موسمیات موجب آندے چووی گھنٹے ٻہوں ساریاں جہیں تے موسم رکھا تے گرم رہسی، جݙاں جو  شمال مشرقی وجنوبی پنجاب ، خیبر پختونحوا، شمال مشرقی بلوچستان اتے کشمیراچ اندھاری گھلݨ تے کھمݨ دے نال مینھ وسݨ دا امکان اے ۔ گزریل 24  گھنٹے اچ ملک دے ٻہوں سارے علاقیں اچ موسم گرم اتے رکھا رہیا جݙاں جو خیبر پختونخوا، چھور اتے نواب شاہ اچ کجھ جہیں تے اندھاری گھلی تے کھمݨ دے نال مینھ وسیا ۔ ساریں توں ودھ مینھ بنوں 24، دیر 3، سندھ: چھور 2 اتے نواب شاہ اچ ھک ملی میٹر ریکارڈ کیتا ڳئے۔اتوار کوںریکارڈ کیتےڳئے ودھ توں ودھ درجہ حرارت دی رپورٹ دے مطابق جیکب آباد تے نوکنڈی اچ 46 ڈگری سینٹی گریڈریکارڈ کیتا ڳئے ۔