معاون خصوصی برائے امور نوجوانان شزہ فاطمہ خواجہ دا وزیراعظم نیشنل انوویشن ایوارڈ دی تقریب توں خطاب

اسلام آباد۔19جون  (اے پی پی) وزیراعظم دی معاون خصوصی برائے امور نوجوانان شزہ فاطمہ خواجہ آکھیا جو وزیراعظم یوتھ پروگرام نال نینگراں کوں کاروبار کیتے سوکھی شرطاں تے ارباں رپوے ݙتے ڳے، نینگراں دی فلاح و بہبود وزیراعظم دی پہلی ترجیح اے۔ وزیراعظم یوتھ پروگرام دے تحت نینگراں کوں لیپ ٹاپ ݙتے ڳن۔ نینگراں تے سرمایہ کاری بہترین سرمایہ کاری اے۔ اے ڳالھیں انہاں سنوار کوں وزیراعظم نیشنل انوویشن ایوارڈ دی تقریب توں خطاب کریندیں ہوئیں آکھی۔ انہاں آکھیا جو نیشنل انوویشن ایوارڈ مقابلیاں اچ پورے ملک توں نینگر شریک تھین۔ وزیراعظم یوتھ پروگرام 2013ء اچ شروع کیتا ڳیا۔ ملک دی ستر فیصد آبادی 30 سال توں ڳھٹ اے۔ انہاں کیتے وظائف، مفت لیپ ٹاپ، کاروبار کیتے سوکھی شرطاں تے قرضے اتے ہنرمند ٻݨاوݨ دے پروگرام شروع کیتے ڳن۔ یوتھ پروگرام دے تحت نینگراں کوں کاروبار کیتے سوکھی شرطاں تے سو ارب روپے دا قرضہ ݙتا ڳٖ۔ انہاں آکھیاجو گزریل پنج مہینے اچ نینگراں کوں سوکھی شرطاں تے کاروبار کیتے 30 ارب روپے دا قرضہ ݙتا ڳے۔ ایں موقع تے وزیراعظم محمد شہباز شریف باصلاحیت نینگراں اچ چیک اتے ایوارڈز تقسیم کیتے۔