وزیرِ اعظم شہباز شریف دی یونان ٻیڑی حادثے دی تحقیقاتی کمیٹی کوں رپورٹ جلدی پیش کرݨ دی ہدایت

اسلام آباد۔21جون  (اے پی پی) وزیرِ اعظم محمد شہباز شریف دی  یونان ٻیڑی حادثے دی تحقیقاتی کمیٹی کوں رپورٹ جلدی پیش کرݨ دی ہدایت کریندیں ہوئیں آکھیا جو واقعے دی ذمہ واراں کوں جلدی کردار تے پڄایا ویسی۔ وزیر اعظم آفس دے میڈیا ونگ توں جاری پریس ریلیز موجب بدھ کوں وزیرِ اعظم محمد شہباز شریف دی صدارت یونان دے نیڑے ٻیڑی الٹݨ دے واقعے تے اعلیٰ سطح دا اجلاس تھیا۔ اجلاس اچ وفاقی وزرا رانا ثناء اللہ، مریم اورنگزیب، معاون خصوصی طارق فاطمی، ڈی جی ایف آئی اے، چیف سیکرٹری آزاد  کشمیر تے متعلقہ حکام شریک تھیے۔ وزیراعظم کوں یونان دے نیڑے بحیرہ روم اچ ٻیڑی الٹݨ دے واقعے تے تفصیلی بریفنگ ݙتی۔ وزیرِ اعظم وزیرِ داخلہ رانا ثناء اللہ کوں تحقیقات دی مکمل نگرانی کرݨ اتے ذمہ واراں کوں سزا ݙواوݨ بارے ضروری قانون سازی کیتے تجویزاں ٻݨاوݨ دی ہدایت کیتی۔ اجلاس اچ وزیرِ اعظم کوں ٻیڑی الٹݨ دے واقعے تے تفصیلی بریفنگ ݙتی۔ اجلاس کوں ݙسیا ڳیا جو یونانی کوسٹ گارڈ 12 جون کوں ٻیڑی دی نشاندہی کیتی جئیں اچ ہک اندازے موجب ست سو بندے ہن، ٻیڑی مصری بندے دی ملکیت ہئی جئیں اچ ودھ سواراں دا تعلق شام، لیبیا اتے پاکستان توں ہئی۔ ٻیڑی اچ سوار لوکاں اچوں 102 لوکاں کوں زندہ ریسکیو کیتا ڳے جئیں اچوں 15 دا تعلق پاکستان توں اے۔ وزیر اعظم آکھیا جو ٻیڑی الٹݨ دے بعد اوں ویلھے  تئیں 15 لوکاں کوں گرفتار کیتا ڳے جئیں اچ ایں واقعے دا مرکزی ملزم وی شامل اے۔