پائیدار ترقی اتے روشن مستقبل کیتے اعلیٰ تعلیم دا ودھارا ضروری اے، صدر مملکت ڈاکٹر عارف علوی

پشاور۔22جون(اے پی پی):صدر مملکت ڈاکٹر عارف علوی آکھیے جو پائیدار ترقی اتے روشن مستقبل کیتے اعلیٰ تعلیم دا ودھارا ضروری اے، یونیورسٹیاں ملکی ترقی کیتے گریجویٹس دی تعداد ودھاوݨ سانڳے ٹیکنالوجی دا استعمال کرن۔ اے ڳالھ انہاں گورنر خیبر پختونخوا حاجی غلام علی، نگراں وزیر اعلیٰ محمد اعظم خان اتے صوبائی کابینہ دے ارکان نال گورنر ہاؤس پشاور اچ ملݨ ویلھے آکھی۔ اجلاس اچ چیف سیکرٹری اتے انسپکٹر جنرل آف پولیس خیبر پختونخوا وی شرکت کیتی۔ ملاقات اچ صوبہ دے انتظامی ومالی امور سودھا امن و امان تے الایا ڳیا۔ انہاں صوبہ خاص کر ضم اضلاع اچ ترقیاتی کماں تے وی الایا۔