پیرس۔23جون (اے پی پی) وزیراعظم محمد شہباز شریف جی ایس پی پلس دی اہمیت کوں اجاگر کریندیں ہوئیں آکھیا جو ایں بارے مضبوط سیاسی عزم موجود اے۔ جمعے کوں وزیراعظم آفس دے میڈیا ونگ توں جاری بیان موجب وزیراعظم محمد شہباز شریف یورپی کمیشن دی سربراہ ارسولا وان ڈیر لیین نال ملاقات کیتی۔ ݙوہیں رہنماواں اچ ملاقات نویں عالمی مالیاتی معاہدے بارے سربراہی اجلاس دے موقع تے تھئی۔ وزیراعظم ایں …
وزیراعظم شہباز شریف دی یورپی کمیشن دی سربراہ نال ملاقات، جی ایس پی پلس دے ٹریک تے ہووݨ تے اطمینان کیتا، دورہ پاکستان دی دعوت ݙتی
مزید خبراں
پیرس۔23جون (اے پی پی) وزیراعظم محمد شہباز شریف جی ایس پی پلس دی اہمیت کوں اجاگر کریندیں ہوئیں آکھیا جو ایں بارے مضبوط سیاسی عزم موجود اے۔ جمعے کوں وزیراعظم آفس دے میڈیا ونگ توں جاری بیان موجب وزیراعظم محمد شہباز شریف یورپی کمیشن دی سربراہ ارسولا وان ڈیر لیین نال ملاقات کیتی۔ ݙوہیں رہنماواں اچ ملاقات نویں عالمی مالیاتی معاہدے بارے سربراہی اجلاس دے موقع تے تھئی۔ وزیراعظم ایں سال نو جنوری کوں جنیوا اچ تھیوݨ آلے ’’ریزیلیئنٹ پاکستان کانفرنس‘‘ اچ شرکت تے یورپی کمیشن دی سربراہ دا شکریہ ادا کیتا۔ انہاں یورپی اداریاں نال رَل تے چھل متاثرہ علاقیاں دی بحالی اتے تعمیر نو دے پاکستان دے عزم دا اظہار کیتا۔ وزیراعظم پاکستان اتے یورپی یونین وچال اعلیٰ سطح دے رابطیاں دا خیر مقدم کیتا۔ یورپی کمیشن دی صدر 2022 دے چھل توں بحالی دی پاکستان دی کوششاں دی تعریف کیتی اتے حمایت جاری رکھݨ دا یقین ݙوایا۔
