پیرس۔23جون (اے پی پی) وزیراعظم محمد شہباز شریف اتے جرمن چانسلر اولاف شولز ݙوہیں ملکاں وچال تجارت، سرمایہ کاری اتے توانائی سودھے مختلف شعبیاں اچ تعاون ودھاوݨ تے اتفاق کیتے۔ اے اتفاق رائے جمعے کوں نویں عالمی مالیاتی معاہدہ بارے سربراہ اجلاس دے موقع تے ملاقات اچ تھیا۔ وزیراعظم آفس دے میڈیا ونگ توں جاری بیان موجب وزیراعظم پاکستان دے چھل متاثرین کیتے امداد اتے 163 ملین یورو دے معاشی …
پاکستان اتے جرمنی دا تجارت، سرمایہ کاری اتے توانائی سودھے مختلف شعبیاں اچ تعاون ودھاوݨ تے اتفاق
مزید خبراں
پیرس۔23جون (اے پی پی) وزیراعظم محمد شہباز شریف اتے جرمن چانسلر اولاف شولز ݙوہیں ملکاں وچال تجارت، سرمایہ کاری اتے توانائی سودھے مختلف شعبیاں اچ تعاون ودھاوݨ تے اتفاق کیتے۔ اے اتفاق رائے جمعے کوں نویں عالمی مالیاتی معاہدہ بارے سربراہ اجلاس دے موقع تے ملاقات اچ تھیا۔ وزیراعظم آفس دے میڈیا ونگ توں جاری بیان موجب وزیراعظم پاکستان دے چھل متاثرین کیتے امداد اتے 163 ملین یورو دے معاشی تعاون ݙیوݨ تے جرمن حکومت دا شکریہ ادا کیتا۔ وزیراعظم آکھیا جو بے نظیر انکم سپورٹ پروگرام کیتے 27 ملین یورو دی ودھکی رقم چھل متاثرین دی مدد اتے خوراک ݙیوݨ کیتے استعمال تھئی اے۔ انہاں آکھیا جو جرمنی دی ترقی کوں ہمیشہ ہک مثال دے طور پیش کیتے۔ انہاں امید کیتی جو موسمیاتی تبدیلی توں خطرات اتے معاشی دباؤ جیھے مسائل اچ جرمنی ترقی پذیر ملکاں دی آواز ٻݨسی۔ وزیراعظم پاکستان اچ جرمن کمپنیاں اتے این جی اوز دی خدمات دی تعریف کیتی۔ ݙوہیں قائدین دا تجارت، سرمایہ کاری اتے توانائی سودھے مختلف شعبیاں اچ تعاون ودھاوݨ تے اتفاق کیتا۔
