شرپسند عناصر کوں کچے دے علاقے اچ ولا نا سر چاوݨ ݙیسوں، نگران وزیر اعلیٰ پنجاب محسن نقوی

لاہور۔23جون(اے پی پی)نگران وزیراعلیٰ پنجاب محسن نقوی آکھیے جو شرپسند عناصر کوں کچے دے علاقے اچ ولا نا سر چاوݨ ݙیسوں۔ اے ڳالھ انہاں کچے دے علاقے دے دورے اتے آپریشن اچ حصہ ڳھنݨ آلے پولیس اہلکاراں نال الیندے آکھی۔ ایں موقع تے آئی جی پنجاب ڈاکٹر عثمان انور نگران وزیراعلیٰ محسن نقوی کوں شرپسنداں دے خلاف جاری آپریشن اچ کامیابیاں بارے بریفنگ ݙتی۔ نگران وزیراعلیٰ پنجاب محسن نقوی کچے دے علاقے اچ ڈاکواں دے خلاف آپریشن اچ حصہ ڳھنݨ آلے پولیس افسراں اتے جواناں دے جذبے دی تعریف کیتی۔ وزیراعلیٰ محسن نقوی، آئی جی ڈاکٹر عثمان انور، ایڈیشنل آئی جی ساؤتھ پنجاب اتے ٻئے پولیس افسران جواناں نال ٻیھ تے روٹی وی کھادی۔ محسن نقوی کچے اچ پولیس چوکی، ڈسپنسری اتے سکول دا وی دورہ کیتےاتے شرپسنداں دے خلاف جاری آپریشن اچ آڳونہی دا جائزہ ڳھدے۔