بھارتی فورسز دی ایل او سی تے ستوال سیکٹر اچ آڄڑیاں تے اندھا دھند فائرنگ ، آئی ایس پی آر

راولپنڈی ۔24جون  (اے پی پی):بھارتی فورسز چھݨ چھݨ کوں سویلے لائن آف کنٹرول تے ستوال سیکٹر اچ آڄریاں تے بلااشتعال فائرنگ کیتی اے جیندے نال ہک شہری شہید تھئے اتے 2 زخمی ہین۔ آئی ایس پی آر آکھیے جو اے واقعہ سویلے 12 وڄے دے نیڑے تھئے ڄݙاں بھارتی فوج معصوم کشمیریاں دے خلاف اپݨی عادت دے طور تے غیر انسانی رویا ݙکھائے۔ آکھیا ڳئے جو ہک نویںی جیو پولیٹیکل سرپرستی پاروں ہندوستانی افواج اپݨے کوڑے بیانیے اتے من گھڑت الزامات کوں پورا کرݨ کتیے معصوم جاناں ڳھنݨ دا منصوبہ ٻݨائے۔ بلا اشتعال فائرنگ تے احتجاج کریندے آئی ایس پی آر آکھیے جو پاکستان ایل او سی تے کشمیریاں دی جاناں دے تحفظ کیتے جوابی کارروائی دا حق محفوظ رکھدے۔ بھارت کوں کشمیریاں دے بنیادی انسانی حقوق خاص کر ایل او سی تے شہریاں دے اپݨی زمیناں تئیں پڄݨ دے ناقابل تنسیخ حق دی یاد دہانی کرائی گئی اے۔