باجوڑ اچ سکیورٹی فورسز دا انٹیلی خفیہ آپریشن، 3 دہشتگرد جہنم واصل

راولپنڈی۔28جون(اے پی پی)باجوڑ اچ سکیورٹی فورسز انٹیلی جنس اطلاعات تے آپریشن کیتے اتے 3 دہشتگرداں کوں ہلاک کیتے۔ آئی ایس پی آر آکھیے جو سکیورٹی فورسز باجوڑ دے علاقے عنایت قلعہ اچ دہشتگرداں دی موجودگی دی مصدقہ اطلاع تے کارروائی کیتی، ایں دوران سکیورٹی فورسز اتے دہشتگرداں وچال جھڑپ وی تھئی اے جیندے نال شفیع سودھا 3 دہشتگرد ہلاک تھین۔ ہلاک دہشتگرداں توں اسلحہ و گولہ بارود وی ملیے۔ اے دہشتگرد سکیورٹی فورسز تے حملیاں، معصوم شہریاں دے قتل اچ ملوث ہن، علاقے اچ انسداد دہشتگردی کلیئرنس آپریشن جاری اے۔ علاقہ مکیناں دہشتگردی مکاوݨ کیتے ودھ ہتھ ونݙائے۔