اسلام آباد۔30جون(اے پی پی) پاکستان اتے بین الاقوامی مالیاتی فنڈ وچال سٹاف لیول معاہدہ توڑ پڄ ڳئے۔ بین الاقوامی مالیاتی فنڈ (آئی ایم ایف) دی سٹاف ٹیم ناتھن پورٹر دی اڳواݨی اچ پاکستانی حکام نال ملاقاتاں کیتن اتے آئی ایم ایف دے سٹینڈ بائی ارینجمنٹ (ایس بی اے) دے تحت پاکستان کیتے ہک نویں مالیاتی انگینجمنٹ تے ڳالھ مہاڑ کیتی۔ بعد اچ آئی ایم ایف اعلامیہ اچ آکھیا ڳئے جو آئی ایم ایف ٹیم پاکستانی حکام نال سٹاف دی سطح تے 2,250 ملین ڈالر (تقریباً 3 بلین ڈالر یا 111 فیصد آئی ایم ایف کوٹہ) دی رقم اچ 9 مہینے دے سٹینڈ بائی ارینجمنٹ (ایس بی اے) دا معاہدہ کیتے۔ نویں ایس بی اے پاکستان دے 2019 ای ایف ایف سپورٹ یافتہ پروگرام دے تحت حکام دی کوششاں سانڳے اے ڄیڑھا جون دے چھیکر تے مکدا پئے۔ اے معاہدہ آئی ایم ایف دے ایگزیکٹو بورڈ دی منظوری نال مشروط اے، ڄیڑھی درخواست تے جولائی اچ غور کریسی، اگست 2022 اچ 2019 دے توسیعی فنڈ سہولت (ای ایف ایف) دے تحت مشترکہ ستویں اتے اٹھ جائزاں دی تکمیل دے بعد، معیشت کوں کئی بیرونی مشکلات تھین جیندے اچ 2022 اچ تباہ کن سیلاب، کڄھ پالیسی غلطیاں بشمول زرمبادلہ مارکیٹ دے کم اچ رکاوٹاں، ودھدے مہانگ مسلے ٻݨائن۔ نواں سٹینڈ بائی ارینجمنٹ معاہدہ حالیہ بیرونی مشکلات توں معیشت کوں مستحکم کرݨ، میکرو اکنامک استحکام برقرار رکھݨ، کثیر جہتی اتے ݙو طرفہ شراکت داراں نال فنانسنگ کیتے فریم ورک ٻݨاوݨ اچ مدد ݙیسی تاں جو پاکستان دی مالی لوڑھ پوری تھیوے، معاہدے نال مالی نظم ضبط بہتر کرݨ، معاشی بحالی اچ مدد ملسی۔
