دنیا دے سارے مذاہب معاشرے اچ اخوت اتے مساوات تے زور ݙیندن، چاہندوں جو امن اتے محبت دا سنیھا ہووے، صدر ڈاکٹر عارف علوی دا گندھارا سمپوزیم دے افتتاحی سیشن توں خطاب

اسلام آباد۔11جولائی  (اے پی پی) صدر مملکت ڈاکٹر عارف علوی آکھیا جو دنیا دے سارے مذاہب معاشرے اچ اخوت اتے مساوات تے زور ݙیندن، چاہندوں جو امن اتے محبت دا سنیھا ہووے۔ اے ڳالھیں انہاں منگل کوں ”کلچرل ڈپلومیسی: پاکستان اچ گندھارا تہذیب اتے بدھسٹ ہیریٹیج دی بحالی“ دے موضوع تے ترائے روزہ گندھارا سمپوزیم 2023 نال بطور مزمان خصوصی خطاب کریندیں ہوئیں آکھی۔ سمپوزیم دے افتتاحی سیشن اچ اسلام آباد اچ متعین مختلف ملکاں دے سفارت کاراں، مذہبی رہنماواں، ماہرین آثار قدیمہ، ماہرین تعلیم اتے ٻے شعبہ ہائے زندگی توں تعلق رکھݨ آلی اہم شخصیات شریک تھئی۔ سابق سیکرٹری خارجہ سہیل محمود، وزیر مملکت اتے چیئرمین وزیراعظم ٹاسک فورس گندھارا ٹورازم ڈاکٹر رمیش کمار وانکوانی سودھی ٻے ملکی اتے غیر ملکی مندوبین وی افتتاحی تقریب توں خطاب کیتا۔ ایں توں پہلے سابق سیکرٹری خارجہ سہیل محمود تقریب اچ شرکت تے صدرمملکت دا شکریہ ادا کیتا۔ چیئرمین وزیراعظم ٹاسک فورس گندھارا ٹورازم ڈاکٹر رمیش کمار وانکوانی سمپوزیم نال خطاب کیتا۔  گندھارا تہذیب اتے بدھ مت دے ورثے تے تھیوݨ آلے سمپوزیم نال ملائیشیا، تھائی لینڈ، جنوبی کوریا، نیپال، سری لنکا، چین اتے پاکستان توں تعلق رکھݨ آلے مقررین وی ڳالھ مہاڑ کیتی۔