وزیرِ اعظم  شہباز شریف چشمہ۔5  نیوکلیئر پاور پلانٹ دا منڈھ ٻدھ ݙتا

میانوالی۔14جولائی  (اے پی پی):وزیرِ اعظم محمد شہباز شریف چشمہ۔5  نیوکلیئر پاور پلانٹ دا منڈھ ٻدھ ݙتا، ایں موقع تے وفاقی وزرا انجینئر خرم دستگیر، احسن اقبال توں علاوہ چینی حکام وی موجود ہن۔وزیر اعظم آفس دے میڈیا ونگ توں جاری بیان موجب وزیرِ اعظم محمد شہباز شریف دی خصوصی دلچسپی اتے کوششاں دے نتیجے اچ چشمہ نیوکلیئر پاور پلانٹ یونٹ۔ 5  دی نہ صرف لاڳت گھٹ کیتی ڳئی بلکہ ایں دی استعداد کوں 1100 میگاواٹ توں ودھاتے 1200 میگاواٹ کرݙتا ڳئے۔چشمہ۔5 جیں دے معاہدے تے 2017 اچ دستخط تھئے، گزریل پنج سال التوا دا شکار رہیا۔ وزیرِ اعظم محمد شہباز شریف دے ملک اچ گھٹ لاڳت اتے ماحول دوست بجلی دے وژن دے تحت ایں منصوبے تے کم ول شروع کیتا ویندا پئے۔