پاکستان معاشی طورتےمحفوظ ڄاہ تے اے، جون اچ مسلسل چوتھے مہینے حسابات جاریہ دے کھاتیاں دا توازن 334 ملین ڈالر فاضل اے، وفاقی وزیرخزانہ دی میڈیا نال ڳالھ مہاڑ

اسلام آباد۔18جولائی  (اے پی پی) وفاقی وزیرخزانہ تےمحصولات سینیٹرمحمداسحاق ڈارآکھیا جو جون 2023 اچ مسلسل چوتھے مہینے حسابات جاریہ دے کھاتیاں دا توازن 334 ملین ڈالر فاضل اے۔ الحمداللہ پاکستان معاشی طورتےمحفوظ ڄاہ تے اے۔ منگل کوں میڈیا نال ڳالھ مہاڑ کریندیں ہوئیں وفاقی وزیرخزانہ آکھیا جو جون 2022 اچ حسابات جاریہ دے کھاتیاں داخسارہ 2321 ملین ڈالر ہئی۔ گزریل مالی سال اچ حسابات جاریہ دے کھاتیاں دا خسارہ 2.560 ارب ڈالرریکارڈ کیتا ڳے جیڑھا جو مالی سال 2022 اچ 17.4 ارب ڈالر ہئی۔ وزیرخزانہ آکھیا جو تجارتی اتےحسابات جاریہ دے کھاتیاں اچ نشابر بہتری نال وزیراعظم محمدشہبازشریف دی حکومت دے بہتر انتظام نظر امدا پے۔ انہاں  وزیراعظم محمد شہباز شریف، وزارت خزانہ اتے سٹیٹ بینک دے ماہرین دی کوششاں دی وی تعریف کیتی ۔