وزیراعظم محمد شہبازشریف سمندر پار پاکستانیاں کیتے موبائل فونز دی عارضی رجسٹریشن دے نظام دا اجرا کر ݙتے، پاکستانی تارکین وطن کیتے جلدی نان فنانشل پیکج دا اجرا کریسوں، وزیراعظم دا خطاب

اسلام آباد۔18جولائی  (اے پی پی) وزیراعظم محمد شہبازشریف سمندر پار پاکستانیاں کیتے موبائل فونز دی عارضی رجسٹریشن دے نظام دا اجرا کر ݙتے، پاکستانی تارکین وطن کیتے جلدی نان فنانشل  پیکج دا اجرا کریسن۔ زراعت ، آئی ٹی  اتے معدنیات دے شعبے پاکستان دی برآمدات ودھاوݨ اچ اہم کردار ادا کر سڳدن۔ او منگل کوں سمندرپارپاکستانیاں دے موبائل فونز کیتے عارضی رجسٹریشن دے نظام دے اجرا دی تقریب توں خطاب کریندے پے ہن۔ سمندرپارپاکستانیاں دی نشاندہی تے ذاتی موبائل فون تے کسٹم ڈیوٹی دی   میعاد  2 مہینے توں ودھا تے 120 ݙینھ کیتی ویندی پئی اے۔ ایں تے وفاقی وزیر آئی ٹی  اتے وزارت دے اعلیٰ حکام ، ایف بی آر، پی ٹی اے  کوں مبارخ ݙیندوں۔ اے ہک اہم ڈیوائس اے جیڑھی جو سمندرپارپاکستانیاں کیتے ہک بہترین سہولت اے۔ انہاں کوں اے سہولت گھر بیٹھے ملسی۔ او چار مہینے تئیں بغیر ٹیکس ݙتے اپݨا فون استعمال کر سڳسن۔ تقریب توں وفاقی وزیر آئی ٹی سید امین الحق خطاب کریندیں ہوئیں آکھیا جو ایں عارضی رجسٹریشن دے نظام نال ٻاہرلے ملک توں آوݨ آلے پاکستانیاں کوں 120 ݙینھ تئیں اپݨا فون بغیر ٹیکس ݙتے استعمال کرݨ دی موکل ہوسی جڈانجو او ایندے اچ 120 ٻے وی ودھوا سڳدن۔