قرآن کریم دی بے حرمتی قابل مذمت اے، اوآئی سی دے پلیٹ فارم توں ایں شیطانیت دے تدارک دی مشترکہ حکمت عملی بݨیسوں ،وزیراعظم شہباز شریف

اسلام آباد۔21جولائی  (اے پی پی):وزیراعظم محمد شہبازشریف سویڈن اچ قرآن کریم دی بے حرمتی دے واقعہ دی شدید الفاظ اچ مذمت کریندے ہوئیں آکھیے اوآئی سی دے پلیٹ فارم توں ایں شیطانیت دے تدارک دی مشترکہ حکمت عملی بݨیسوں ۔ وزیراعظم آفس دے میڈیا ونگ توں جاری بیان موجب وزیراعظم آکھیے اوآئی سی کوں امت مسلمہ دے احساسات دی ترجمانی اتے ایں شیطانیت کوں رکواوݨ اچ تاریخی کردار نبھاوݨا اے ۔ تورات، انجیل اتے قرآن کریم دی بے حرمتی دی اجازت ݙیوݨ دے فیصلے کوں بدالݨ دی مہم چلیسوں ۔مقدس کتاباں، ہستیاں اتے شعائر دی بے حرمتی اظہار دی دنیا کوں مستقل آزار ݙیوݨ دی آزادی اے۔انہاں آکھیے واقعات دا تسلسل اتے ترتیب ایں ڳالھ دا ثبوت اے جو اے اظہار دا نی بلکہ سیاسی تے شیطانی ایجنڈے دا حصہ اے۔پورے عالم اسلام اتے مسیحی دنیا کوں رل تے ایں سازش کوں روکݨا ہوسی ، انہاں آکھیے شیطان دے پیروکارااوں کتاب دی بے حرمتی کریندے پئن جیں انساناں کوں عزت ݙتی، حقوق تے رہنمائی ݙتی ۔تورات تے انجیل دی بے حرمتی دی اجازت ݙیوݨ دے فیصلے توں بے حرمتی کرݨ آلیں دی حوصلہ افزائی تھئی۔انہاں آکھیے اے نفرت دا ودھارا اے جیں دی عالمی قانون اجازت نی ݙیندا ۔ مذہبی جذبات بھڑکاوݨ، اشتعال انگیزی، دہشت گردی اتے تشدد تے اکساوݨ دے اے رویے دنیا دے امن کیتے مہلک ہن ۔انہاں آکھیے اے رویے قانونی اتے اخلاقی ݙوہیں لحاظ نال ہی شدید قابل نفرت اتے قابل مذمت ہن۔