منگلا، دریائے جہلم اتے دریائے چناب اچ پاݨی دا ٻہاؤ تکھا تھیوݨ دا امکان، جھکے علاقیاں اچ جھل اتے نالیاں اچ طغیابی دا ݙر اے، این ڈی ایم اے

اسلام آباد۔21جولائی  (اے پی پی) نیشنل ڈیزاسٹر مینجمنٹ اتھارٹی آکھیا جو آندے ترائے ݙینھ اچ منگلا، دریائے جہلم اتے دریائے چناب اچ پاݨی دا ٻہاؤ تکھا تھیوݨ دا امکان، جھکے علاقیاں اچ جھل اتے نالیاں اچ طغیابی دا ݙر اے۔ این ڈی ایم اے موجب تکھی اندھاری نال بجلی دے کھمبے، سولر پینلز، ہورڈنگز، اُچے وݨ اتے نویں ٻݨݨ آلی عمارتاں دا ضیان تھی سڳدے۔ پہاڑی علاقیاں اچ لینڈ سلائیڈنگ دے علاوہ گلگت بلتستان اچ گلوف  اتے فلیش فلڈنگ دا ݙر اے۔ این ڈی ایم اے متعلقہ اداریاں کوں مینہ وچال چھل دے ݙر آلے علاقیاں اچ پاݨی کݙھݨ دے ںظام کوں فعال ٻݨائے۔