موٹر وے ایم۔فور تے پنڈی بھٹیاں دے نیڑے مسافر بس اچ ٻھاہ لگݨ پاروں 16 بندے جاں بحق، 15 زخمی

اسلام آباد۔20اگست  (اے پی پی) موٹر وے ایم۔فور تے  پنڈی بھٹیاں دے نیڑے مسافر بس اچ ٻھاہ لگݨ پاروں 16 بندے جاں بحق، 15 زخمی تھی ڳئے۔ نیشنل ہائی ویز اینڈ موٹر ویز پولیس ولوں آفیشل سماجی رابطے دکی سائٹ ٹویٹر ایکس تے آݙت وار کوں جاری بیان اچ ݙسیا جو موٹر وے ایم۔فور تے ٻہوں افسوسناک واقعے تھیے جئیں اچ کراچی توں اسلام آباد ونجݨ آلی مسافر بس اچ پنڈی بھٹیاں دے نیڑے ٻھاہ لڳݨ پاروں 16 بندے موقع تے جاں بحق تھی ڳئے۔ نیشنل ہائی ویز اینڈ موٹر ویز پولیس ویلھے تے امدادی کاروائی کر تے 15 مسافراں کوں ریسکیو کر تے نیڑے دے ہسپتال پڄا ݙتے۔ انسپکٹر جنرل نیشنل ہائی ویز اینڈ موٹروے پولیس سلطان علی خواجہ حادثے دی ڄاہ تے پڄیے۔ امدادی کماں دی نگرانی کیتی اتے افسوس کیتا۔ مقامی پولیس دی رپورٹ دے مطابق پنڈی بھٹیاں انٹر چینج دے ڈیزل توں بھری پک اپ گاݙی نال ٹکراوݨ دے بعد کوچ اچ ٻھاہ لڳی۔