کہیں قوم دی حالت اوں ویلھے تئیں نی بدلدی  جݙاں تئیں اینکوں خود آپݨی حالت بدلݨ دی فکر نہ ہووے ، راجہ پرویز اشرف

اسلام آباد۔21اگست(اے پی پی):سپیکرقومی اسمبلی راجہ پرویز اشرف آکھیے کہیں قوم دی حالت اوں ویلھے تئیں نی بدلدی جݙاں تئیں اینکوں خود بدلݨ دی فکر نہ ہووے ۔ آندےعام انتخابات اچ گوجر خان دی عوام دا فیصلہ ترقی اتے خوشحالی دا فیصلہ ہوسی، عوام کوں الیکشن اچ ایں ڳاھ دا خیال رکھݨا ہوسی جو حقیقی معنیں اچ عوام دی خدمت کیں کیتی اے ۔ اے ڳالھ انہاں یونین کونسل کری دولال دی وستی کریالی اچ وݙے عوامی اجتماع توں خطاب کریندے ہوئیں آکھی اے ۔ سپیکرقومی اسمبلی دے رلے خرم پرویز راجہ وی موجود ہن۔ ایں موقع تے راجہ عبدالغفار، راجہ اشتیاق، راجہ ظفر، اسرار قریشی، مقصود قریشی، مظہر، اسلم، فاروق، بشارت خان اتے ٻئیں سپیکر قومی اسمبلی راجہ پرویز اشرف اتے پی پی پی دی قیادت تے مکمل اعتماد دا اظہار کریندے ہوئیں مسلم لیگ ن اتے پاکستان تحریک انصاف کوں خیر آباد آکھ تے پاکستان پیپلز پارٹی اچ رلݨ دا باقاعدہ اعلان کرݙتا۔ سپیکر راجہ پرویز اشرف اجتماع دے شرکاء توں خطاب اچ آکھیے گوجر خان دی عوام نال میݙا گھاٹا رشتہ اے ۔ میکوں ایں ڳالھ دا چنڳی طرح پتہ اے میݙی طاقت دا سرچشمہ عوام اے،میں گوجر خان دی عوام نال جیڑھے وعدے کیتے ہن اینکوں پوراکرݨ سانڳے سارے وسائل استعمال کیتے ڳئن ۔