سانحہ جڑانوالہ ٻہوں افسوسناک اے، ریاست ہݨ ایجھا کوئی واقعہ نہ تھیوݨ ݙیسی، اساݙا رویہ الفاظ توں ودھ اعمال نال نظرامسی، نگران وزیر اعظم انوار الحق کاکڑ دا سانحہ جڑانوالہ دے متاثرین اچ امدادی چیک تقسیم کرݨ دی تقریب توں خطاب

فیصل آباد۔ 21 اگست (اے پی پی) نگران وزیر اعظم انوار الحق کاکڑ آکھیا جو سانحہ جڑانوالہ ٻہوں افسوسناک اے، ریاست ہݨ ایجھا کوئی واقعہ نہ تھیوݨ ݙیسی، اساݙا رویہ الفاظ توں ودھ اعمال نال نظرامسی۔ انہاں آکھیا جو ایں واقعے دے ذمہ واراں اتے امن تے اقلیتاں دے دشمناں کوں آئین تے قانون دے مطابق انصاف دے کٹہرے اچ ڳھن امسوں۔ اگر ہݨ ملک، قانون انسانیت اتے مذۃب دے دشمناں ولا کݙاہیں ایجھی ناپاک حرکت دی جرات کیتی تاں ریاست انہاں کوں اینویں نہ کرݨ ݙیسی اتے انہاں نال آہنی ہتھاں نال نبڑسوں۔ او سنوار کوں جڑانوالہ ضلع فیصل آباد آوݨ دے موقع تے سانحہ 16اگست دے متاثرین اچ 20،20لکھ روپے مالیت دے چیک تقسیم کرݨ دی تقریب توں خطاب کریندے پئے ہن۔ ایں موقع تے نگران وفاقی وزیر اطلاعات تے نشریات مرتضیٰ سولنگی،وفاقی وزیر داخلہ سرفراز بگٹی،وفاقی وزیر انسانی حقوق خلیل جارج، گورنر پنجاب محمد بلیغ الرحمن، نگران وزیر اعلیٰ پنجاب سید محسن نقوی، چیف سیکرٹری پنجاب زاہد اختر زمان،آئی جی پولیس ڈاکٹر عثمان انور،کمشنر فیصل آباد سلوت سعید،آر پی او ڈاکٹر عابد خان،ایڈیشنل چیف سیکرٹری داخلہ اتے ٻئے اعلیٰ حکام موجود ہن۔ وزیراعظم اکھیا جو سانحہ جڑانوالہ ٻہوں افسوسناک اے، ریاست ہݨ ایجھا کوئی واقعہ نہ تھیوݨ ݙیسی، اساݙا رویہ الفاظ توں ودھ اعمال نال نظرامسی۔