وفاقی کابینہ دا بین المذاہب ہم آہنگی کانفرنس کراوݨ دا فیصلہ

اسلام آباد۔22اگست  (اے پی پی) وفاقی کابینہ بین المذاہب ہم آہنگی دے ودھارے کیتے آندے ہفتے قومی سطح تے بین المذاہب ہم آہنگی کانفرنس کراوݨ دا فیصلہ کیتی جڈانجو نگران وزیراعظم انوارالحق کاکڑ آکھیا جو ملک اچ انتہاپسندی اتے مذہبی کشیدگی دی موکل نہ ݙتی ویسی۔ پاکستان اچ اقلیتاں دا تحفظ ریاست دا پہلا فرض اے۔ منگل کوں وزیراعظم آفس دے میڈیا ونگ توں جاری بیان موجب نگران وزیراعظم انوار الحق کاکڑ دی صدارت عبوری وفاقی کابینہ دا اجلاس تھیا۔ اجلاس اچ وزیراعظم وفاقی کابینہ کوں آپݨے جڑانوالہ دورے بارے ݙسیا۔ وفاقی کابینہ وزارتِ خزانہ دی سفارش تے مالی سال 24 ۔ 2023 کیتے دیت دی رقم جیڑھی جو 30,630 گرام چاندی دے برابر ہوندی ہئی کوں 67 لکھ 57 ہزار 902 روپے مقرر کرݙتے۔