آندے 24 گھنٹے پنجاب دے ضلعیں اچ موسم گرم رہݨ دا امکان اے ،محکمہ موسمیات

لاہور۔23اگست  (اے پی پی):محکمہ موسمیات موجب آندے چووی گھنٹے اچ پنجاب دے ٻہوں سارے ضلعیں اچ موسم گرم رہسی جݙاں جو ایں دوران مری، گلیات، راولپنڈی، اٹک، چکوال، جہلم، سیالکوٹ ، نارووال، سرگودھا، میانوالی،لاہور، شیخوپورہ، منڈی بہاوالدین، حافظ آباد، خوشاب، گوجرانوالہ، گجرات اتے فیصل آباد اچ تکھی ہوا گھلݨ / اندھاری تے کھمݨ نال مینھ وسݨ دا امکان اے ۔ ایں دوران خطہ پوٹھوہار، سیالکوٹ ،نارووال، لاہور، گوجرانوالہ اتے گجرات اچ کجھ جہیں تے موسلا دھار مینھ وسݨ دی توقع اے۔ محکمہ موسمیات توں جاری رپورٹ اچ ݙسایا ڳئے جو لاہور اچ گزریل چووی گھنٹے اچ ودھ توں ودھ درجہ حرارت 39 ڈگری سینٹی گریڈ رہیا جݙاں جو ہوا اچ نمی دا تناسب 67 فیصد ریکارڈ کیتا ڳئے ۔