دریائے ستلج اچ طغیانی ، سیلاب توں 113 وستیاں تے 85 ہزار ایکڑ توں ودھ رقبہ متاثر تھئے

لاہور۔23اگست(اے پی پی)کمشنر لاہور محمد علی رندھاوا دا آکھݨ اے جو دریائے ستلج اچ تلوار پوسٹ تے ایں ویلھے 1 لکھ 22 ہزار 329 کیوسک پاݨی وہندا ہئے جݙاں جو ہݨ تئیں 29ہزار 854 لوکاں کوں محفوظ جاہ تے منتقل کیتا ڳئے،گزریل 24 گھنٹے اچ ستلج دی چھل توں 113 وستیاں تے85 ہزار ایکڑ توں ودھ رقبہ متاثر تھئے۔ ٻدھ کوں جاری بیان اچ کمشنر لاہورݙسائے جو کوٹھی فتح محمد، باقر کے، عطر سنگھ آلا، تتارا کامل، تلوار پوسٹ اتے گنڈا سنگھ آلا سودھے ٻئے علاقیں اچ ریسکیو اتے ریلیف آپریشن جاری اے، میونسپل کارپوریشن،ایل ڈی اے اتے واسا دے سارے ریسورسز قصور انتظامیہ دی صوابدید تے سیلاب متاثرین کیتے امدادی سرگرمیاں اچ مصروف ہن ،11میڈیکل کیمپس اچ اینٹی سنیک بائٹ، اینٹی ریبیز، سکن ڈزیزز اتے واٹر بارن ڈزیزز دیاں دوائیں وافر مقدار اچ موجود ہن، کوٹھی فتح محمد توں گزریل 24 گھنٹے اچ 912 لوکاں کوں محفوظ جاہ تے منتقل کیتا ڳئے  ہݨ تئیں کل 29ہزار 854 لوکاں کوں محفوظ جاہ تے منتقل کیتا ڳئے ۔ چھل آلے علاقیں توں 19ہزار 5سو مال ڈھور وی محفوظ جاہ تے منتقل کیتے ڳئن ۔