ساݙا کوئی سیاسی دوست اتے سیاسی دشمن کائنی، کہیں وی سیاسی جماعت کوں آپݨی ڳالھ دی آزادی حاصل اے، تنقید اُنہاں دا جمہوری حق اے، اے حق اُنہاں توں گھن نی سڳدے ، مرتضیٰ سولنگی

اسلام آباد۔23اگست(اے پی پی) نگران وفاقی وزیر اطلاعات و نشریات مرتضیٰ سولنگی آکھیے ساݙا کوئی سیاسی دوست اتے سیاسی دشمن کائنی، کہیں وی سیاسی جماعت کوں آپݨی ڳالھ دی آزادی حاصل اے، تنقید اُنہاں دا جمہوری حق اے، اے حق اُنہاں توں گھن نی سڳدے۔ نجی ٹی وی چینل دے پروگرام اچ ڳالھ مہاڑ کریندے ہوئیں نگران وفاقی وزیر اطلاعات آکھیے اساں کہیں سیاسی جمعت دے حق اچ مخالف کائن ، ملک دے آئین تے قانون دے تحت چلݨ آلی کہیں وی کارروائی اچ اساں کہیں قسم دی مداخلت دا ارادہ نی رکھیندے جے کہیں دے خلاف آئین، قانون تے عدالتاں کوئی قدم چیندن اساں ایں تے عمل کوں نی روک سڳدے ۔ انتخابات دے حوالے نال سوال تے نگران وفاقی وزیر اطلاعات آکھیے الیکشن کمیشن آئینی ادارہ اے، صاف، شفاف، غیر جانبدارانہ اتے آزادانہ انتخابات کراوݨ الیکشن کمیشن دی ذمہ واری اے۔ انہاں آکھیے اساں آپݨے حلف دی پاسداری کریسوں ، حلف دی خلاف ورزی دا سوچ وی نی سڳدے ، اساں کنے ناامیدی دی کوئی خبر اتے وعدہ خلافی دا کوئی شائبہ کائنی ۔ انہاں آکھیے الیکشن کمیشن اپݨی ویب سائیٹ تے پورا شیڈول جاری کر رکھیے، الیکشن ایکٹ دے تحت سیاسی جماعتاں کوں مہم کیتے 54 ݙینھ ݙیوݨے پوسن پاکستان ھک جمہوری ملک اے لوکاں کوں اظہار رائے دی آزادی حاصل اے۔