کراچی پاکستان دا معاشی مرکز اے، کاروباری برادری دے مسئلے ترجیحی بنیاداں تے حل کیتے ویسن، نگران وزیراعظم انوار الحق کاکڑ دی چھوٹے اتے وچلے درجے دی صنعتاں توں کاروباری شخصیات نال ڳالھ مہاڑ

کراچی۔23اگست  (اے پی پی) نگران وزیراعظم انوار الحق کاکڑ آکھیا جو کراچی پاکستان دا معاشی مرکز اے، کاروباری برادری دے مسئلے ترجیحی بنیاداں تے حل کیتے ویسن، آپݨی مد اچ ملک کیتے جو کر سڳیے او کریسوں۔ اے ڳالھیں انہاں بدھ کوں دی چھوٹے اتے وچلے درجے دی صنعتاں توں کاروباری شخصیات نال ڳالھ مہاڑ کریندیں ہوئیں آکھی۔ ایں موقع تے گورنر سندھ کامران ٹیسوری وی موجود ہن۔ وزیراعظم آکھیا جو کراچی بلوچستان دی عوام دا ݙوجھا گھر اے۔ کراچی مختلف رنگ تے نسل زبان بولݨ آلے لوکاں دا گلدستہ اے۔ اللہ تعالیٰ اساݙے دلاں کوں جڑیسی اتے آپسی کدورتاں دور کریسی۔