سارے وݙے دریاواں دے اُتے علاقیں اچ 27اگست تئیں مینھ وُٹھسے ، ترجمان پی ڈی ایم اے

لاہور۔24اگست(اے پی پی) ڈائریکٹر جنرل پراونشل ڈیزاسٹر مینجمنٹ اتھارٹی پنجاب عمران قریشی آکھیے سارے وݙے دریاواں دے اُتلے علاقیں اچ ساوݨ دے مینھ دا سلسلہ 27 اگست تئیں جاری رہݨ دا امکان اے ، دریائے ستلج اچ چھل دی صورت حال برقرار اے جݙاں جو مینھ پاروں ستلج اچ مزید پاݨی آوݨ دا ݙر اے ۔ آپݨے ھک بیان اچ ڈی جی پی ڈی ایم اے آکھیے گنڈا سنگھ آلا دی جاہ تے تلویں درجے دی چھل اے جتھاں پاݨی ھک لکھ 15 ہزار 46 کیوسک تے پاݨی دی سطح 20.60 فٹ اُچی اے ، فتح محمد پوسٹ دی جاہ تے پاݨی دی سطح 14 فٹ اُچی اے ، ہیڈ سلیمانکی دی جاہ تے تلویں درجے دی چھل اے جتھاں پاݨی دی آمد 1 لکھ 17 ہزار 522 کیوسک تے پاݨی دا اخراج 1 لکھ 14 ہزار 494 کیوسک اے، ہیڈ اسلام دی جاہ تے تلویں درجے دی چھل اے جتھاں پاݨی دی آمد 94ہزار 223 اتے اخراج 93ہزار123 کیوسک اے، ستلج اچ چھل توں متاثرہ وسیاں دی مجموعی تعداد 583 اے جݙاں جو چھل توں ھک لکھ ایکڑ توں ودھ رقبہ متاثر تھئے ، چھل دی صورت حال تے انتظامیہ ہائی الرٹ اے۔