اسلام آباد۔24اگست(اے پی پی) چیئرمین سینیٹ محمد صادق سنجرانی آکھیے ملک دے سارے علاقیں اچ عوام کوں بنیادی صحت دیاں سہولتاں تے بیماریاں توں محفوظ رکھݨ سانڳے سارے ضروری اقدامات یقینی بݨائے ونڄن ، پولیو مکاوݨ کیتے اساں ساریں کوں کم کرݨا ہوسی۔ سینیٹ سیکرٹریٹ موجب اے ڳالھ انہاں نگراں وفاقی وزیر قومی صحت ڈاکٹر ندیم جان نال ملاقات اچ آکھی اے ۔ ملاقات اچ صحت دے شعبے تے …
چیئرمین سینیٹ محمد صادق سنجرانی نال نگراں وفاقی وزیر قومی صحت ڈاکٹر ندیم جان دی ملاقات
اسلام آباد۔24اگست(اے پی پی) چیئرمین سینیٹ محمد صادق سنجرانی آکھیے ملک دے سارے علاقیں اچ عوام کوں بنیادی صحت دیاں سہولتاں تے بیماریاں توں محفوظ رکھݨ سانڳے سارے ضروری اقدامات یقینی بݨائے ونڄن ، پولیو مکاوݨ کیتے اساں ساریں کوں کم کرݨا ہوسی۔ سینیٹ سیکرٹریٹ موجب اے ڳالھ انہاں نگراں وفاقی وزیر قومی صحت ڈاکٹر ندیم جان نال ملاقات اچ آکھی اے ۔ ملاقات اچ صحت دے شعبے تے سانجھی دلچسپی دے امور تے ڳالھ مہاڑ کیتی ڳئی ۔نگراں وزیر صحت عوام کوں ݙتیاں ونجݨ آلیاں سہولتاں دا چیئرمین سینیٹ کوں ݙسایا ۔ ایں موقع تے چیئرمین سینیٹ آکھیے ملک دے سارے علاقیں اچ عوام کوں بنیادی صحت دیاں سہولتاں ݙتیاں ونجن ، صحت دیاں سہولتاں ݙیوݨ ریاست دا کم اے ،ملک دے پسماندہ تے خاص طور تے صوبہ بلوچستان دے علاقیں اچ صحت دیاں سہولتاں ݙیو کیتے موثر اقدامات چاوݨ دی لوڑھ اے ، پاکستان کوں پولیو فری بݨاوݨ دا پکا عزم کر رکھیے ۔
