دریائے ستلج اچ گنڈا سنگھ آلا دی جاہ تے پاݨی دی سطح ھک واری ول اُچی تھی ڳئی

لاہور۔25اگست(اے پی پی) دریائے ستلج اچ گنڈا سنگھ آلا دی جاہ تے پاݨی دی سطح ھک واری ول اُچی تھی ڳئی اے وچلے درجے دی چھل اُتلے درجے اچ بدل ڳئی اے ۔ ترجمان موجب ڈائریکٹر جنرل پراونشل ڈیزاسٹر مینجمنٹ اتھارٹی پنجاب عمران قریشی جمعہ کوں ݙسائے جو گنڈا سنگھ آلا دی جاہ تے پاݨی دی سطح  ودھ ڳئی اے جتھاں چھل وی اُتلے درجے دی تھی ڳئی اے ، گنڈا سنگھ آلا تے1 لکھ 22 ہزار کیوسک پاݨی وہندا پئے تے جݙاں جو ایں پاݨی مسلسل ودھدا ویندے ایندی وجہ اے ݙسائی ڳئی اے جو اُتلے علاقیں اچ وسݨ آلے مینھ پاروں تھئے ۔ انہاں آکھیے ایں مینھ پاروں بھارت دی طرفوں مزید پاݨی چھوڑݨ دا ݙر وی اے ، ڈی جی پی ڈی ایم اے  ایں صورتحال اچ متعلقہ انتظامیہ کوں الرٹ رہݨ دی ہدایات جاری کرݙتن ۔ پی ڈی ایم اے کنٹرول روم توں ساری صورتحال دی مسلسل مانیٹرنگ کریندی پئی اے ۔