نواز شریف عوام دا مینڈیٹ گھن تے بجلی سستی کریسن ،بلال اظہر کیانی

اسلام آباد۔28اگست  (اے پی پی):پاکستان مسلم لیگ (ن) دے اسسٹنٹ سیکرٹری جنرل بلال اظہر کیانی آکھیے سابق وزیر اعظم محمد نواز شریف 2013  توں 2017 اچ ملک توں لوڈشیڈنگ دے اندھارے مکاوݨ دا وعدہ پورا کیتا ، بجلی ، گیس ، اٹا کھنڈ روٹی سستی ، مہانگ 47 سال دی گھٹ سطح تے گھن آئے ، او عوام دا مینڈیٹ گھن تے بجلی سستی کریسن ۔ آپݨے ٹویٹ اچ انہاں آکھیے نواز شریف دے شروع کیتے ڳئے ترقی دے ایں سفر کوں سابق حکمران تباہ کرݙتا ، معیشت وانڳوں توانائی دے شعبے دی تباہی دے وی اوہے ذمے وار ہن ۔ اپݨے سادھے ترائے سالہ دور اچ انہاں انرجی دے شعبے اچ ’ری بیسنگ‘ (قیمتاں دے تعین دا بنیادی پیمانہ) نہ کرتے چار سال اچ بجلی دے شعبے دا گردشی قرضہ (1152 ارب توں) ݙوگنا کرݙتا تے اینکوں 2253 ارب روپے تے پڄا ݙتا ۔ اے نااہلی، مجرمانہ غفلت اتے عوام کوں اذیت اچ پاوݨ دی فرد جرم اے۔