اسلام آباد۔28اگست(اے پی پی)نگران وزیراعظم انوار الحق کاکڑ دی اڳواݨی اچ اسلام آباد اچ ایس آئی ایف سی ایپکس کمیٹی دا اجلاس تھئے۔ اجلاس اچ چارے صوبیاں دے وزراء اعلیٰ، نگران وفاقی وزراء، صوبائی وزراء اتے اعلیٰ سول و عسکری حکام سودھا چیف آف آرمی سٹاف جنرل سید عاصم منیر وی شرکت کیتی۔ اجلاس اچ نگران وزیر اعظم ہدایت کیتی جو جاری منصوبیاں کوں تیکھے مکمل کیتا ونڄے۔ اجلاس ملکی …
ایپکس کمیٹی اجلاس، ملکی معاشی بحالی سانڳے اقدامات تیکھے کرݨ دا عزم، اہم شعبیاں اچ سرمایہ کاری منصوبیاں دی توثیق
اسلام آباد۔28اگست(اے پی پی)نگران وزیراعظم انوار الحق کاکڑ دی اڳواݨی اچ اسلام آباد اچ ایس آئی ایف سی ایپکس کمیٹی دا اجلاس تھئے۔ اجلاس اچ چارے صوبیاں دے وزراء اعلیٰ، نگران وفاقی وزراء، صوبائی وزراء اتے اعلیٰ سول و عسکری حکام سودھا چیف آف آرمی سٹاف جنرل سید عاصم منیر وی شرکت کیتی۔ اجلاس اچ نگران وزیر اعظم ہدایت کیتی جو جاری منصوبیاں کوں تیکھے مکمل کیتا ونڄے۔ اجلاس ملکی معیشت دی بحالی کیتے ایس آئی ایف سی دے اقدامات تے اطمینان کیتے۔ ایپکس کمیٹی اجلاس دے اعلامیہ اچ آکھیا ڳئے جو نگران وزیر اعظم خصوصی سرمایہ کاری کونسل دے موثر کم دی تعریف کیتی اتے کونسل دی عالمی سطح تے رسائی سانڳے حکمت عملی اتے ٻھرا اتے سنڳتی ملکاں روابط دے کردار دی وی تعریف کیتی۔ اجلاس اچ سعودی عرب اتے اسلامک آرگنائزیشن فار فوڈ سکیورٹی دے اعلیٰ سطح دے وفداں دے دوریاں کوں نتیجہ خیز قرار ݙیندے ملکی معاشی بحالی سانڳے اڳونہے اقدامات جاری رکھݨ دا عزم دوہرایا۔ ایپکس کمیٹی زراعت، لائیو سٹاک، معدنیات، آئی ٹی اتے توانائی دے اہم شعباں اچ سرمایہ کاری ودھاوݨ کیتے مجوزہ منصوبیاں دی توثیق کیتی۔
