اسلام آباد۔30اگست(اے پی پی) نگران وفاقی وزیر قومی صحت ڈاکٹر ندیم جان آکھیے لاہور دے ماحولیاتی نمونے اچ پولیو وائرس دی تصدیق تھئی اے ، وائرس دا ول ول ماحولیاتی نمونے اچ ملݨ تشویش ناک اے۔ وزارت صحت توں جاری بیان موجب انہاں آکھیے لاہور دے ماحولیاتی نمونے اچ پولیو وائرس دی تصدیق تھئی اے۔ وائرس جنیاتی طور تے افغانستان قندہار اچ پاتے ونجݨ آلے وائرس نال منسلک اے۔ …
لاہور دے ماحولیاتی نمونے اچ پولیو وائرس دی تصدیق،وائرس دا ول ول ماحولیاتی نمونیں اچ ملݨ تشویش ناک اے، ڈاکٹر ندیم جان
اسلام آباد۔30اگست(اے پی پی) نگران وفاقی وزیر قومی صحت ڈاکٹر ندیم جان آکھیے لاہور دے ماحولیاتی نمونے اچ پولیو وائرس دی تصدیق تھئی اے ، وائرس دا ول ول ماحولیاتی نمونے اچ ملݨ تشویش ناک اے۔ وزارت صحت توں جاری بیان موجب انہاں آکھیے لاہور دے ماحولیاتی نمونے اچ پولیو وائرس دی تصدیق تھئی اے۔ وائرس جنیاتی طور تے افغانستان قندہار اچ پاتے ونجݨ آلے وائرس نال منسلک اے۔ انہاں آکھیے پولیو دے خلاف جنگ اچ پاکستان افغانستان نال رل تے مربوط حکمت عملی بݨیندا پیاں ۔ گزریل سال توں ملک اچ پولیو کیساں دی تعداد گھٹ تھئی اے ۔ ڈاکٹر ندیم جان آکھیے پولیو دی صورت حال تے نظر رکھی ہوئی اے ۔ پولیو پروگرام دے ٹاپ دے ایکسپرٹ کوں بنوں اچ تعینات کیتے۔ انہاں آکھیے ماہرین کوں وائرس کھنڈݨ توں روکݨ کیتے ٹارگٹ ݙتن ۔ ہنگامی بنیاداں تے سارے ضروری اقدامات یقینی بݨینداں پیاں ۔ لاہور توں اڄوکے سال دا تریجھا مثبت ماحولیاتی نمونہ اے۔پاکستان اچ ہݨ مثبت ماحولیاتی نمونیں دی تعداد 17 تھی ڳئی اے ۔ والدین توں اپیل کیتی اے جو پولیو مہم اچ آپݨے ٻالاں کوں پولیو دے قطرے ضرور پلاون ۔
