بابراعظم بطور کپتان تیز ترین 2 ہزار ون ڈے رنز دا ریکارڈ ٻݨاوݨ تے اکھ رکھ ڳھدی

اسلام آباد۔31اگست(اے پی پی)پاکستان کرکٹ ٹیم دے سٹار بلے باز بابر اعظم بطور کپتان تیز ترین 2 ہزار ون ڈے رنز دا ریکارڈ تروڑݨ دے نیڑے پڄ ڳن ڄیڑھا سابق بھارتی کپتان ویرات کوہلی کولو ہے اتے انہاں بطور کپتان 36 اننگز اچ تیز ترین 2 ہزار ٻݨائے ہون۔ ݙوڄھے نمبر تے جنوبی افریقہ دے سابق کپتان اے بی ڈویلیئرز ہین ڄئیں 41 اننگز اچ ݙو ہزار رنز مکمل کیتن۔ بابر اعظم بطور کپتان ہݨ تئیں 30 اننگز اچ 1994 رنز ٻݨا چکین۔ پاکستان اتے بھارت ایشیا کپ دے گروپ میچ اچ 2 ستمبر چھݨ چھݨ کوں میچ کھیݙسن اتے امکان اے جو ایں میچ اچ ہی ریکارڈ ٻݨا ڳھنسن۔ بابر اعظم ایشیا کپ دے پہلے میچ اچ جنوبی افریقی کرکٹر ہاشم آملہ دا تیز ترین 19 ون ڈے سنچریاں دا ریکارڈ تروڑ چکین۔