گوجر خان اتے خطہ پوٹھوار اچ تعلیم دے شعبے اچ مسئلیں کوں حل کرݨ اولین ترجیح اے ، سپیکر قومی اسمبلی

اسلام آباد۔2ستمبر(اے پی پی) سپیکر قومی اسمبلی راجہ پرویز اشرف آکھیے گوجر خان اتے خطہ پوٹھوار اچ تعلیم دے شعبے اچ آندے مسئلیں کوں حل کرݨ اولین ترجیح اے ،  جدید تعلیم توں آراستہ خطہ پوٹھوار کئی ݙھاکیں توں میݙا پراݨا خواب ہئی ۔ اے ڳالھ انہاں منگھوٹ ویمن کالج اچ بس سروس دی افتتاحی تقریب توں خطاب کریندے ہوئیں آکھی اے ۔ انہاں آکھیے اساں خلوص نال آپݨی مٹی دی خدمت کرݨی اے اساں کنے ساریں توں وݙی قوت اپݨی محنت اتے عوام دی خدمت نال اڳوں ودھݨا اے ، انہاں آکھیے طالبات کوں کالج گھن آوݨ تے گھن ونڄݨ سانڳے بساں تے ہائی ایس وین ݙتیاں ڳئن ،   بساں ݙیوݨ نال جڑواں وستیاں توں آوݨ آلی طالبات دی اوکھ مک ویسی اڄوکے سال اتھاں پنجاب یونیورسٹی پوٹھوار کیمپس اچ کلاساں شروع تھیسن۔ انہاں آکھیے یونیورسٹی دے قیام نال طالبیں تے طالبات پہلے توں ودھ دل لاتے تعلیمی سرگرمیاں اچ حصہ گھن سڳسن ۔