نینگراں دی ‘ثقافتی خواندگی دیاں سرگرمیاں’ دے ودھارے سانڳے ٻہوں سارے اقدامات دا منصوبہ اے ، نگران وفاقی وزیر قومی ورثہ تے ثقافت جمال شاہ

اسلام آباد۔2ستمبر(اے پی پی)نگران  وفاقی وزیر قومی ورثہ تے ثقافت جمال شاہ آکھیے حکومت نینگراں سانڳے ثقافتی خواندگی دیاں سرگرمیاں کوں ودھارا ݙیوݨ کیتے ٻہوں سارے اقدامات دی منصوبہ بندی کیتی اے تاں جو او مستقبل دے رہنما اتے معاشرے سانڳے موثر شراکت دار بݨ سڳن ۔ ھک نجی نیوز چینل نال ڳالھ مہاڑ کریندے ہوئیں وفاقی وزیر آکھیے متنوع ثقافتی پس منظر دے طلبا نال موثر طریقے نال کم کرݨ سانگے استاد تے معلمین کیتے ثقافتی قابلیت ضروری اے۔انہاں آکھیے ملک ترقی دیاں منزلاں طے کرسڳدے جے ہر شہری اپݨی ذمہ واریاں دا احساس کرے اتے ذمہ واریاں ادا کرے۔ نگران وفاقی وزیر مقامی، قومی اتے بین الاقوامی سطح تے ثقافتی اتے سیاحتی سرگرمیاں کوں موثر طریقے نال ودھاوݨ دی لوڑھ تے زور ݙتے ۔ ھک سوال دے جواب اچ انہاں آکھیے موجودہ حکومت ورثے، تہذیب، زبان، فن تے ثقافت کوں تخلیقی اتے تعمیری انداز اچ اجاگر کرݨ سانڳے پرعزم اے ۔