لاہور۔7ستمبر(اے پی پی) نگران وفاقی وزیر مذہبی امور انیق احمد آکھیے حکومت عوام کوں ریلیف ݙیوݨ سانڳے اہداف دا تعین کرڳھدے ،ٻہوں وختی قوم کوں خوشخبریاں ملݨ آلیاں ہن ،مایوسی کفر ہے ، گھبراوݨ دی کوئی ڳالھ کائنی ، مسئلیں تے قابو پا گھنسوں ،پاکستان ٻہوں سارے ملکاں توں بہتر اے ،اساں کنے سارا کجھ اے آوݨ آلا کل ٻہوں چنڳاں اے ۔ اے ڳالھ انہاں منصورہ اچ امیر …
عوام کوں ریلیف ݙیوݨ سانگے اہداف دا تعین کرڳھدے ،وختی خوشخبریاں ملݨ آلیاں ہن ،نگران وفاقی وزیر مذہبی امور
لاہور۔7ستمبر(اے پی پی) نگران وفاقی وزیر مذہبی امور انیق احمد آکھیے حکومت عوام کوں ریلیف ݙیوݨ سانڳے اہداف دا تعین کرڳھدے ،ٻہوں وختی قوم کوں خوشخبریاں ملݨ آلیاں ہن ،مایوسی کفر ہے ، گھبراوݨ دی کوئی ڳالھ کائنی ، مسئلیں تے قابو پا گھنسوں ،پاکستان ٻہوں سارے ملکاں توں بہتر اے ،اساں کنے سارا کجھ اے آوݨ آلا کل ٻہوں چنڳاں اے ۔ اے ڳالھ انہاں منصورہ اچ امیر جماعت اسلامی سراج الحق نال ملاقات اتے میڈیا نال ڳالھ مہاڑ کریندے ہوئیں آکھی اے ۔ ایں موقع تے جماعت اسلامی دے رہنما لیاقت بلوچ،پروفیسر ابراہیم،اظہر اقبال حسن،میاں محمد اسلم،سید شوکت علی اتے ڈاکٹر حافظ ساجد انور وی موجود ہن ۔نگران وفاقی وزیر مذہبی امور انیق احمد یقین ݙیوائے جو قوم کوں مایوسی اچوں وختی کڈھیسوں ۔ اللہ تعالیٰ دی ذات تے مکمل بھروسہ اے،عالمی سطح تے پاکستان دا سافٹ امیج بݨیندے پیوں ۔انہاں آکھیے نگران حکومت عوام کوں ریلیف ݙیوݨ کیتے جیڑھے ٹارگٹ سیٹ کیتن ایندے ثمرات وختی آوݨ شروع تھی ویسن ،معیشت دی بحالی سانگے عملی اقدامات کریندے پیوں ،ڈالر دی قیمت گھٹݨ شروع تھی ڳئی اے ،بجلی دی قیمت اتے ٻئے عوامی مسئلیں تے وی عوام کوں ریلیف ݙیسوں ۔ھک سوال دے جواب اچ وفاقی وزیر آکھیے برآمدات ودھاوݨ سانڳے کم تھیندا پئے ،وفاقی وزیر تجارت گوہر اعجاز ایں فیلڈ دے ماہر ہن تے او برآمدات 70بلین ڈالر تئیں گھن وںڄݨ دا عزم رکھیندن میکوں امید اے جیویں او کم کریندے پئن ایں ٹارگٹ کوں وختی پورا کر گھنسن ۔
