وزیراعلی پنجاب محسن نقوی دا لبرٹی اچ پولیس خدمت مرکز دا دورہ

لاہور۔22نومبر(اے پی پی)وزیراعلی پنجاب محسن نقوی لبرٹی اچ پولیس خدمت مرکز دا دورہ کیتے جتھاں شہریاں دا رش ہا اتے انہاں کارروائی اچ دیر دی شکایت کیتی جو ساکوں 4،4 گھنٹے انتظار کرایا ویندے جیندے تے وزیر اعلیٰ ناراضگی ݙکھائی اتے سی ٹی او کوں خدمت مرکز اچ سݙ ڳھدے اتے انسپکٹر جنرل پولیس کوں پولیس خدمت مرکز 24 گھنٹے آپریشنل رکھݨ دی ہدایت کیتی اتے آکھیا جو کائونٹرز تے عملہ ودھایا ونڄے، انہاں کوں دیر کیتے بغیر فوری کم نمٹائے ونڄن۔ انہاں گارڈن ٹائون اچ پولیس خدمت مرکز وی 24گھنٹے کھلا رکھݨ دا آکھیا۔ او لوکاں نال ملین اتے تحفظ مرکز، میثاق مرکز، ویٹنگ روم اتے کاونٹرز وی ݙٹھن۔