اللہ اتے اوندے رسولۖ دی اطاعت اساݙی کامیابی دی کنجی اے، انیق احمد

لاہور۔26نومبر  (اے پی پی) نگران وفاقی وزیر مذہبی امور انیق احمد آکھیا جو اللہ اتے اوندے رسولۖ دی اطاعت اساݙی کامیابی دی کنجی اے۔ اے ڳالھیں انہاں آݙت وار کوں ” قومی پیغام پاکستان امن کانفرنس”توں خطاب کریندیں ہوئیں آکھی۔ نگران وفاقی وزیر آکھیا جو علماء کوں قومی اتحاد اتے یگانگت کیتے کم کرݨا پوسی۔ علماء اساݙے معاشرے دے رہنما ہن۔ پیغام پاکستان اچ ہزاراں علماء دی تائید تے کوششاں ہن۔ علماء کرام اساݙے انبیاء دے وارث ہن۔ صاحب علم او ہوندن جئیں دے دل اچ اللہ دی خشیت ہوندی اے۔ اتے اوندے رسولۖ دی اطاعت اساݙی کامیابی دی کنجی اے۔ پاکستان اچ سارے مذاہب کوں پوری آزادی اے۔ انہاں آکھیا جو اساں حج دے خرچے کوں ہک لکھ روپے پیکیج ڳھٹ کر ݙتے۔ کݙاہیں وی پاکستان دی تاریخ اچ اینویں نی تھیا جو آوݨ آلا حج پہلے توں سستا ہووے۔