سرکاری سکیم دے تحت حج 2024 سانڳے درخواستاں دی وصولی  شروع

اسلام آباد۔27نومبر  (اے پی پی):سرکاری سکیم دے تحت حج 2024 سانڳے درخواستاں دی وصولی  شروع تھی ڳئی اے جیڑھی جو 12 دسمبر تئیں جاری رہسی ۔ وزارت مذہبی امور دے ترجمان موجب اڄوکے سال مجموعی طورتے ھک لکھ 79ہزار 210 پاکستانی فریضہ حج اداکریسن جیں اچوں 89ہزار 605 لوک سرکاری سکیم دے تحت  حج دی سعادت حاصل کریسن ۔ 15نامزد بینکاں اچ حج درخواستاں جمع کرائیاں ونڄ سڳدن ۔ سرکاری سکیم دے تحت مقررہ تعداد  توں تجاوز کرݨ دی صورت اچ کامیاب درخواست گزاراں دا انتخاب قرعہ اندازی دے ذریعے کیتا ویسی ۔ اڄوکے سال پہلی واری تریمتاں محرم دے بغیر  حج ادا کر سڳسن۔ واضح رہے جو 16 دسمبر 2024 تئیں کارآمد پاکستانی پاسپورٹ تے حج درخواستاں جمع کرائیاں ونڄ سڳدن ۔ اڄوکے سال 25ہزار نشستاں پہلے آؤ دی بنیاد تے سپانسپر شپ سکیم دے تحت جمع کیتیاں ویسن ۔قرعہ اندازہ صرف ریگولر حج سکیم دے تحت  ملݨ آلیاں درخواستاں تے کیتی ویسی ۔