وزیر مملکت آئی ٹی شزہ فاطمہ چین روانہ، گلوبل ڈیجیٹل اکانومی کانفرنس 2024 اچ پاکستان دی نمائندگی کریسن

اسلام آباد۔30جون(اے پی پی) وزیر مملکت آئی ٹی و ٹیلی کمیونیکیشن شزہ فاطمہ خواجہ چین دے سرکاری دورے تے روانہ تھی ڳئن ۔شزہ فاطمہ ‘گلوبل ڈیجیٹل اکانومی کانفرنس 2024’ اچ پاکستان دی نمائندگی کریسن ۔وزارت آئی ٹی و ٹیلی کمیونیکیشن توں جاری بیان موجب گلوبل ڈیجیٹل اکانومی کانفرنس 2 توں 5 جولائی تئیں چائنہ نیشنل کانوینشن سنٹر، بیجنگ اچ تھیندی پئی اے ۔وزیرمملکت آئی ٹی کانفرنس اچ پاکستانی ٹیک کمپنیاں دے بوتھ دا دورہ کریسن تے انہاں دے نمائندیں نال ملاقات کریسن ۔وزیر مملکت شزہ فاطمہ کانفرنس اچ تھیوݨ آلے ‘یورو ایشیاء پاکستان ڈیجیٹل اکانومی فورم’ اچ وی شریک تھیسن ۔ ایں موقع تے وزیر مملکت آئی ٹی پینل ڈسکشن اچ رلسن ۔وزیر مملکت آئی ٹی صدر چائنا اکیڈمی آف انفارمیشن و کمیونیکیشن ٹیکنالوجی ،نائب صدر این ایکس پی سیمی کنڈکٹرز، علی بابا گروپ نال ملاقاتاں وی کریسن ۔گلوبل ڈیجیٹل اکانومی کانفرنس 2024 دا مقصد ڈیجیٹل معیشت کوں ودھارا ݙیوݨ سانڳے بین الاقوامی سطح تے تعاون ودھاوݨ اے۔