نائب وزیراعظم اسحاق ڈار دی زیرِ صدارت اجلاس، شراکت دار ملکاں نال مثبت رابطے برقرار رکھݨ کیتے مسلسل سفارتی تبادلیاں تے زور

اسلام آباد۔15 اکتوبر(اے پی پی)نائب وزیراعظم و وزیرِ خارجہ سینیٹر محمد اسحاق ڈار شراکت دار ملکاں نال پاکستان دے مثبت رابطیاں دا تسلسل برقرار رکھݨ کیتے مسلسل سفارتی تبادلیاں تے زور ݙیندے متعلقہ وزارتاں کوں ہدایت کیتی اے جو او قریبی رابطہ کاری برقرار رکھیندے ہوئے اُبھردے معاشی موقعیاں توں فیدہ چاون اتے طے شدہ فیصلیاں تے ویلھے سر عملدرآمد یقینی بݨاون۔ انہاں اسلام آباد اچ ہک اجلاس دی اڳواݨی کیتی۔ اجلاس اچ آڄوکے اعلیٰ سطح دوریاں دے نتائج اتے آئندہ اہم رابطیاں کیتے تیاریاں دا جائزہ ڳھدا ڳیا۔ اجلاس اچ طے شدہ اقدامات تے پیشرفت، تجارت، سرمایہ کاری سودھا ٻئے اہم شعبیاں اچ تعاون مضبوط بݨاوݨ تے ڳالھ مہاڑ تھئی۔ انہاں متعلقہ وزارتاں کوں ہدایت کیتی جو او قریبی رابطہ کاری برقرار رکھن، ابھردے ہوئے معاشی موقعیاں توں فائدہ چاون تے طے شدہ فیصلیاں تے بروقت عملدرآمد یقینی بݨاون۔ اجلاس اچ وفاقی وزراء قومی غذائی تحفظ، پیٹرولیم اتے انفارمیشن ٹیکنالوجی و ٹیلی کمیونیکیشن، معاونِ خصوصی برائے امورِ خارجہ، معاونِ خصوصی طارق باجوہ، وزیراعظم دے مشیر برائے صنعت و پیداوار، سیکریٹریز خارجہ، تجارت، ریلوے تے سمندر پار پاکستانیاں سودھا متعلقہ وزارتاں اتے محکماں دے سینئر حکام شرکت کیتی۔