اسلام آباد۔15 اکتوبر (اے پی پی) وزیراعظم محمد شہباز شریف پشاور اچ سکول دی چھت ڈٹھݨ دے واقعے اچ قیمتی جاناں دے ضیان تے ݙکھ تے افسوس کریندے واقعے دی مکمل رپورٹ منڳ ڳھدی اے تے واقعے دے سارے پہلواں دا جائزہ گھنݨ تے ذمہ واراں دے خلاف قانون موجب کارروائی یقینی بݨاوݨ دی ہدایت کیتی اے۔وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف گورنرخیبر …
وزیراعظم پشاور اچ سکول دی چھت ڈٹھݨ دے واقعے دی مکمل رپورٹ منڳ ڳھدی ، سارے پہلواں دا جائزہ گھنݨ تے ذمہ واراں دے خلاف قانون موجب کارروائی یقینی بݨاوݨ دی ہدایت
مزید خبراں
اسلام آباد۔15 اکتوبر (اے پی پی) وزیراعظم محمد شہباز شریف پشاور اچ سکول دی چھت ڈٹھݨ دے واقعے اچ قیمتی جاناں دے ضیان تے ݙکھ تے افسوس کریندے واقعے دی مکمل رپورٹ منڳ ڳھدی اے تے واقعے دے سارے پہلواں دا جائزہ گھنݨ تے ذمہ واراں دے خلاف قانون موجب کارروائی یقینی بݨاوݨ دی ہدایت کیتی اے۔وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف گورنرخیبر پختونخوا نال ٹیلیفونک رابطہ کیتا۔ انہاں پشاور اچ سکول دی چھت ڈٹھݨ دے واقعے اچ قیمتی جاناں دے ضیاں تے ݙکھ تے افسوس کیتا، وزیراعظم جاں بحق لوکاں دے لواحقین کیتے تعزیت تے ہمدردی کیتی ۔ انہاں واقعے اچ زخمی تھیوݨ آلیں کوں بہترین طبی سہولتاں ݙیوݨ تے متاثرہ خانداناں کوں ہرممکن مدد و معاونت ݙیوݨ دی وی ہدایت کیتی۔ وزیراعظم محمد شہباز شریف واقعے دی مکمل رپورٹ منڳ ڳھدی۔ گورنر خیبر پختونخوا وزیراعظم کوں واقعے دی تفصیل ݙسیندے آکھیے جو سکول دے مالک کوں گرفتار کرڳھدا ڳئے تے تحقیقات شروع کر ݙتیاں ڳئن۔ وزیراعظم واقعے دے سارے پہلواں دا جائزہ گھنݨ تے ذمہ واراں دے خلاف قانون موجب کارروائی یقینی بݨاوݨ دی ہدایت کیتی۔
