وزیرِ اعظم دا باجوڑ دھماکے اچ سابق سینٹر ہدایت اللہ سودھا 3 ڄݨے فوت تھیوݨ تے افسوس

آستانہ۔3جولائی(اے پی پی)وزیرِ اعظم محمد شہباز شریف ڈمہ ڈولہ، باجوڑ اچ دھماکے اچ سابق سینٹر ہدایت اللہ سودھا 3 ڄݨے فوت تھیوݨ تے افسس کریندے سوگوار ٹٻراں کوں مکاݨ ݙتے۔ وزیر اعظم افسوسناک واقعہ دے ذمہ داران دی تیکھے نشاندہی کرتے سخت سزا ݙیواوݨ دی ہدایت کیتی۔ وزیراعظم محمد شہباز شریف آکھیے جو دہشت گردی دے واقعہ دی جتنی مذمت کریڄے او ڳھٹ اے، دہشت گرد عناصر ملک دے امن و امان اتے جمہوریت دے دشمن ہین، دہشت گرد پاکستانی قوم دے حوصلے ھیݨے نئیں کر سڳدے، دہشت گردی دی لعت کوں مکا تے رہسوں۔ وزیراعظم فوت تھیوݨ آلے لوکاں دی مغفرت اتے سوگوار ٹٻراں کیتے صبر دی دعا کیتی۔(