اسلام آباد۔15 اکتوبر (اے پی پی) وفاقی وزیرِ خزانہ و محصولات سینیٹر محمد اورنگزیب علی بابا انٹرنیشنل ڈیجیٹل کامرس دی قیادت نال ملاقات کیتی جیندے اچ پاکستان دی ڈیجیٹل معیشت دے ودھارے کیتے تعاون دا جائزہ ڳھدا ڳیا۔ تھائی لینڈ دے شہر بنکاک اچ عالمی بینک گروپ تے آئی ایم ایف دے سالانہ اجلاساں دے موقع تے تھیوݨ آلی ملاقات اچ ڈیجیٹل ادائیگیاں، نقد رقم دے بغیر معیشت دے ودھارے …
وزیرِ خزانہ محمد اورنگزیب دی علی بابا انٹرنیشنل ڈیجیٹل کامرس دی قیادت نال ملاقات
اسلام آباد۔15 اکتوبر (اے پی پی) وفاقی وزیرِ خزانہ و محصولات سینیٹر محمد اورنگزیب علی بابا انٹرنیشنل ڈیجیٹل کامرس دی قیادت نال ملاقات کیتی جیندے اچ پاکستان دی ڈیجیٹل معیشت دے ودھارے کیتے تعاون دا جائزہ ڳھدا ڳیا۔ تھائی لینڈ دے شہر بنکاک اچ عالمی بینک گروپ تے آئی ایم ایف دے سالانہ اجلاساں دے موقع تے تھیوݨ آلی ملاقات اچ ڈیجیٹل ادائیگیاں، نقد رقم دے بغیر معیشت دے ودھارے تے سماجی تحفظ دی رقم تے ہدفی سبسڈیز دی شفاف ݙیوݨ متعلق امور زیرِ بحث آئے۔وزیرِ خزانہ دراز تے علی بابا ڈاٹ کام دے ذریعے چھوٹے تے درمیانے درجے دے کاروباراں، مقامی برانڈز تے برآمدات دے ودھارے کیتے علی بابا دی معاونت دی تعریف کیتی۔ انہاں ای کامرس تے ٹیکس دے نظام کوں مزید مؤثر تے متوازن بݨاوݨ کیتے تجویزاں پیش کرݨ دی دعوت وی ݙتی تاں جو ٹیکس نظام اچ منصفانہ شرکت تے ٹیکس دہندگان دی تعداد اچ ودھارے وچال توازن برقرار رکھیا ونڄ سڳے۔ فریقین پاکستان سنگل ونڈو دے ای کامرس پلیٹ فارم تے کم تکھا کرݨ تے سرحد پار ادائیگیاں تے برآمدات توں حاصل تھیوݨ آلی رقم دی نگرانی بہتر بݨاوݨ تے ڳالھ کیتی۔
